Ана- өмір шуағы

«Елтай  негізгі мектебі» КММ

Өткізген: Күзен  Бұлбұл

                Ермуханова А.У.

2018-2019 оқу  жылы

«Ана -  өмір  шуағы!» атты аналар  сайысы

1 - жүргізуші: Армысыздар, абзал аналар, ақ жаулықты әжелер, көктем гүліндей жайнаған апайлар, аяулы қарындастар. Сіздерді көгілдір көктемнің шуақты күндерімен бірге келетін 8 - наурыз мерекесі халықаралық әйелдер күнімен шын жүректен құттықтаймыз.

Бүгінгі күн сіздерге мерекелік көңіл - күй тілей отырып, халықаралық әйелдер күні мерекесіне арналып өткелі отырған «Ана - өмір  шуағы!» байқауын тамашалауға шақырамыз.

8 наурызға  арналған құттықтау сөзін мектебіміздің директоры  Кусаинова Б.С беріледі.

2 - жүргізуші: Тауып бір әйел - әлем бар тілдерін,

Бақыт пен астастырып әр күндерің.

Босатып қара жердің тұла бойын,

Келдің бе, сегізінші наурыз күнім.

1 - жүргізуші: Арулар - аяулылыр, ардақтылар,

Өмірге жылу болып қалмақ болар.

Арулар – тіршілікке күре тамыр,

Өмірді бір - біріне жалғап тұрар.

2 - жүргізуші: Сұлулыққа қарап көз тоймайды

Сұлулыққа өзін - өзі баяндайды

Естілер құдіретті бүгінгі сөз

Қыз жайлы, ана жайлы, келін жайлы.

1 - жүргізуші Той пердесін ашайық

Жырдан шашу шашайық

Аналарды құрметтеп

Ән маржанын шашайық - деп ән жолдаймыз.

Ән: 9 сынып оқушыларының  орындауында «Жеңешем» әні

2 - жүргізуші: Құрметті қауым: Бүгінгі өткелі отырған «Ана- өмір шуағы!» атты аналар байқауын бастауға рұқсат етіңіздер. Байқаудың мақсаты: Қазақ халқының ұрпақтан ұрпаққа жалғасып келе жатқан даналығы мен терең саналығын бойына дарытқан қазақ аналарының табиғат берген көркемділік - әдемілігімен, сұлулығына тәу ету және ұлттық салт-дәстүрді, тіліміз бен дінімізді өскелең ұрпаққа насихаттау, неке мен отбасы құндылықтарын алға тарту.

1 - жүргізуші: Қос бұрымы аш беліне төгілген,

Келбеті бар кермаралдай керілген.

Қазақ қызы – инабатты ару қыз

Ақ жүзінен аппақ сәуле төгілген.

2 - жүргізуші: Тіл байланып қалатындай көргенде,

Сұлулықты соған ғана берген бе!

Кімде болса бас иеді мойындап,

Қарсы алдына қазақ қызы келгенде - дей келе бүгінгі байқауғақатысушыларға сәттілік тілей отырып қошеметпен ортамызға шақырайық.

1 - жүргізуші: 

Қатысушылар: Маденова  Айсұлу

                          Иманбаева  Айгерім

                          Жагипарова  Мадина

                          Кулмағанбетова  Айгерім

2- жүргізуші: 

Әділдікпен баға берер аруға

Әділдікпен қара қылды жаруға

Алқасын қазылардың біз сайлайық

Ақ аруды талдап бүгін алуға - деп бүгінгі сайысымызға баға берер қазылар алқасымен таныс болыңыздар.

Қазылар алқасының төрағасы:  Кусаинова  Б.С

Мүшелері: Картбаева Г.О.

1 – жүргізуші: Бүгінгі байқауда аруларымыз мына бөлім шарттары бойынша сынға түседі: 

І - бөлім: «Таныстыру»  деп аталады. Байқауымыздың бұл бөлімінде аналарымыз  өзін - өзі таныстырады. Таныстыру өзіндік фантазиясымен, әр түрлі жанрда (өлең, диалог, немесе сахналық қойылым арқылы көрсетіледі.

ІІ - бөлім Өнер сайысы(өз  өнерін  көрсету)

ІІІ - бөлім: «Сыр  сандық»  Бұл бөлімде аналарымыз мақал –мәтелдің  жалғасын  табады.

ІV бөлім: Сән үлгісі (көктем бейнесінде киім үлгісі)

 V-бөлім: «Дәм  думан» (берілген  жеміс- жидектерден )

2 - жүргізуші. Құтты болсын мейрамы аналардың,

Қуанышын көрсінші балалардың

Сіздер үшін бүгінгі орындаулар

Билері мен әндері жырланатын - деп аналар сіздерге арнап ән жолдаймыз.

Ән: 0 - 1  сыныптың орындауында   «Ақ  дидарлы  анашым»

1 - жүргізуші: 

Баурап алар бір ақ ауыз сәлемі

Қазақ қызы - әдепті де әдемі

Қазақ қызы - ақылына көркі сай

Тұнып тұрған сұлулықтың әлемі.- дей отырып байқауымыздың бірінші бөлімі «Таныстыру» бойынша аруларымызды өзін - өзі таныстыруына рұқсат етейік.  Қарсы алыңыздар:

                          Маденова  Айсұлу

                          Иманбаева  Айгерім

                          Жагипарова  Мадина

                          Кулмағанбетова  Айгерім

Аналарымыз  сайысымыздың келесі бөліміне дайындалғанша тағы бір ән тыңдайық:

Би: 2-3 сыныптың биі

2- жүргізуші: 

Білім құйған бойына

Қанып өмір жайына

Салт дәстүрдің әр сөзін

Сақтап жүрген ойына - деп сайыскерлерді  ортаға  шақырамыз. Сайысымыздың келесі бөлімі Өнер  сайысы

Ән: 8 сыныптардың  орындауында « Асыл  ана»

1-жүргізуші:

Қазақ қызы - тамсандырған талайды,

Тоғжан болып ғашық қылған Абайды.

Қазақ қызы күлкісі күн, тілі бал,

Ай секілді асқақ ару арайлы – деп, сайысымыздың келесі бөлімі

Сыр сандық  сайысы. 

Ана жақсылығын, 

Ауырсаң білерсің. 

(Қайын жақсылығын, 

Қыдырсаң білерсің. )

***

Ана алдында — құрмет, 

 (Ата алдында — қызмет.)

***

 Ағайын — алтау, 

(Ана — біреу.) 

***

 Ана алақанының аясы ,

(Ақ шынардың саясы.) 

 ***

Ата-ананың қадірін, ( балалы болғанда білерсің.)

***

Ана сүтін ақтамағанды,  (ешкім мақтамайды.) 

***

Баласыз ана — (гүлсіз алма.) 
***
Анада үш бақыт бар: (ожданы, бөбегі, ізгі еңбегі.)

 Ән: 4  сынып би, тақпақ

2-жүргізуші:

Нәзік жандар қашанда ел еркесі,

Отбасының отанның берекесі.

О, қош жарқырап ортамызға,

Жұпар кеуде адамның мерекесі - дей келе сайысымыздың келесі бөлімі

«Сән  үлгісі»

Ән: 9 сынып  оқушыларының орындауында «Ана»

Ән: 8 сыныптың оқушыларының орындауында

1-жүргізуші: 

Халқымыздың ежелгі үрдісі бар,

Адастырмас оң жолдан үлгісі бар.

Үлкен сыйлау ұққанға соның бәрін,

Зердерлі ол, зейінді келіп сынар - дей келе қазылар алқасының қорытындысын тыңдайық.

2-жүргізуші: Бұла қырдың құлпырған қызғалдағы,

Ержігіттің бірінші ізгі арманы.

Тіршіліктің жылуы, сұлулығы,

Мына жалған өмірдің гүлзар мәні.

Хор: «Менің  анам  алтын!»

Құрметті көрермендер! Бүгінгі « Ана-  өмір  шуағы!» байқауы өз мәресіне жетті. Әрқашанда құшақтарыңыз гүлге, көңілдеріңіз шаттыққа толы болсын - дей отырып бүгінгі кешімізді аяқтаймыз.